მაკა მასწავლებლის დღიურები

პეპი ჩვენი სააღდგომო არდადეგების დროს შეძენილი მეგობარია,   აღფრთოვანებულები მოვდინენ პანდემიის გამო გაგრძელებული არდადეგებიდან,  - მასწავლებელო, პეპი როგორ დადიოდა... - პოლიცილელები როგორ გააწვალა... - ქურდებს რა უქნა....  - რამდენი ოქრო აქვს... - მეგონა მამა არ ყავდა და როგორ გამიხარდა, რომ გამოჩნდა.... შეუყვარდათ პეპი, არდადეგებზე წაკითხვა ყველამ ვერ მოასწრო, მაგრამ აუცილებლად გააგრძელებენ, როგორ შეიძლება პეპი ერთხელ ,,ნახო" და მერე მისი ნახვა აღარ მოგინდეს.  მერე საინტერესო ეპიზოდები დავხატეთ. და საკლასო ოთახის საგამოფენოს სივრცეში გამოვფინეთ ნახატები. 

ყველა ბავშვი იმსახურებს იყოს ბედნიერი, მარტო ამ დღეს არა, სულ <3  ჩვენ ეს თავისუფალ დღედ გამოვაცხადეთ, შევთანხმდით, რომ პირველში მხოლოდ ბავშვთა უფლებეზე ვისაუბრებდით, გავეცანით ჩემ მიერ შექმნილ ელექტრონულ წიგნს  ბავშვთა უფლებათა კონვენციის ადაპტირებულ და შემოკლებულ ვერსიას. ვნახეთ , ვიდეო რგოლები ბავშვთა უფლებებზე , ვიმსჯელეთ, ვიკამათეთ და შევთანხდით რომ ბავშვის უფლებები თითეული ჩვენგანის მიერ უნდა იყოს დაცული.      

მე-2 კლასში, ქართულის ერთ-ერთი თემა თეატრია. ჩვენ ჩვენი თეატრი შევქმენით, სახლიდან თოჯინები მოვიყვანეთ, ჯგუფებში თოჯინებთან ერთად გადავნაწილდით, პატარა პიესები დავწერეთ და თეატრიც შედგა.  

მასწავლებელო, დამოუკიდებლობის დღე ხომ აღვნიშნეთ 9 აპრილს, ხვალ რატომ ვისვენებთ?  არაფერი არ ავიწყდება ანდრიას.  ყველაზე მარტივი და ყველაზე გულწრფელი სიტყვებით ვუხსნი, რატომ არის ეს დღე ჩვენი.  რატომ აღვნიშნავთ 26 მაისს.  - მასწავლებელო, რა არის სამშობლო...  ვიხსენებთ ყველაფერს რაც სამშობლოზე ვიცით, რითიც შეიძლება ვიამაყოთ... მასწავლებელო, შეიძლება სამშობლო დავხატოთ? დავხატეთ ... ზოგისთვის ის ტანკზე დამაგრებული საქართველოს დროშაა, ზოგისთვის ლამაზი მინდვრები  და მთების, ზოგისთვის პატარა გოგო ბიჭები... ასე ესმით ჩემს ჩემს პატარებს სამშობლო ...