მაკა მასწავლებლის დღიურები

 პლანეტები და საერთოდ სამყარო მოსწავლეთა ყველაზე დიდი ინტერესის სფეროა, ამჯერად სკოლას პლანეტარიუმი სტუმრობდა. 

 მე-3 დ კლასის მოსწავლეებმა სკოლაში გვირილობა აღნიშნეს. მასწავლებელმა გვირილობის მაგალითზე აჩვენა მათ, რომ ქართველებს მოხალისეობის ძალიან დიდი ტრადიცია გვაქვს. 

 ქართული ენის დღესთან დაკავშირებით კლასში მოეწყო კალიგრაფიის კონკურსი, მოსწავლეებმა ნამუშევრები ფოიეში გამოფინეს, გამარჯვებული გამვლელთა ხმების მიხედვით გამოვლინდა და ის ანა ბუხაიძე გახდა, მოსწავლეებმა ასევე დაამზადეს ბუკლეტები - სწორი და არასწორი ფორმების შესახებ, მოაწყვეს პოეზიის საღამო ქართულ ენასთან დაკავშირებით. 

 შემოქმედებითი უნარების გასაუმჯობესლებლად მოსწავლეებმა ერთად დაწერეს ზღაპარი, რომელიც ერთ სოციალურად დაუცველ ოჯახზე მოგვითხრობს, შვილების მზრუნველობითა  და სიკეთით ოჯახი აღდგომის დღესასწაულს ლამაზად შეხვდა. ზღაპრის მიხედვით მოსწავლეებმა შექმნეს კომიქსი და ერთ დიდ წიგნად აკინძეს. 

მე-3 დ კლასის მოსწავლეებმა დედამიწის დღესთან დაკავშირებით სკოლის ეზოში ნაძვის ნერგები უფროსკლასელების დახმარებით დარგეს. 

 მე-3 დ კლასში ჩატარდა კლასის საათი დედამიწის დღესთან დაკავშირებით, მოსწავლეებმა წერილები მისწერეს დედამიწას და საჰაერო ბუშტების მეშვეობით გაუგზავნეს